Cfarë duan prej gruas?

Shumica e njerëzve tentojnë që të përfitojnë dashurinë e gruas, sidomos të rinjtë, të cilët duke shprehur fjalë miradie e lavdërimi mbi ndonjë femër të bukur kanë për synim përfitimin e saj. Janë të gatshëm që për hir të dashurisë dhe simpatisë së tyre të flijojnë tërë atë që e posedojnë.Shumë herë, të rinjtë tentojnë që besnikërinë, seriozitetin, dashurinë dhe plotësimin e premtimit ta shprehin përmes aparatit telefonik, letres së shkruar apo gojarisht. Jam e bindur se një rrjet të tillë mashtrimi e kanë shijuar shumica e femrave muslimane.
Edhe unë përjetova kohën kur isha e bindur se të gjithë meshkujt të cilët mendojnë kështu janë të sinqertë, janë aso që me të vërtetë dashurojnë. Sikur të tjerët, edhe unë në këtë çështje shihja me prizmën e epshit duke konsideruar se ato janë ndjenja dhe emocione të sinqerta e serioze. Mirëpo, pas ca kohe arrita të vërej se jovetëdija në pasimin e epshit ishte ajo e cila pengonte njohjen e asaj e cila fshihej pas tërë këtyre emocioneve dhe ndjenjave. Shumë herë i bëja pyetje vetes: ”A thua me të vërtetë janë seriozë dhe besnik në dashurinë e tyre, në plotësimin e premtimeve dhe shoqërimit të tyre të çiltër, apo pas tërë kësaj ata tentojnë të fshehin qëllime tjera?”
Larg gënjimit të emocioneve dhe ndjenjave si dhe hamendjes së saj mashtruese. Çdo femër e cila do të fuste veten e saj në marrëdhënie të ndaluara, me siguri se e logjikshme do të ishte që së pari të pyeste veten e saj: A thua çfarë dëshiron ky djalosh i ri? Çfarë e shtyn atë në këto marrëdhënie? A thua çfarë do t’u thotë shokëve kur të takohet me ta? Me çfarë gjuhe do t’u flasë atyre për mua?
Në momentin kur femra arrin që të qetësojë ndjenjat dhe emocionet e saj, ndërsa nga koka e saj arrin që të mënjanojë hamendjet, me siguri se me plot bindje dhe zë të plotë do të përgjigjej se qëllimi i tij është vetëm plotësimi i epshit të ndaluar, sepse ai nuk i frikësohet tradhëtisë?! A thua ky meriton një gjë të tillë?!
Ai më parë ka tradhëtuar Zotin e tij, fenë e tij dhe gjithë shoqërinë, e si të  Ndodh që një femër si ti të jetë më me vlerë për të?! Ai do të tentojë që sa më shpejt të realizojë qëllimin e tij, e që më pas të mbetet viktimë e pikëllimit, shqetësimit dhe pendimit.
E kur ndodh që ata të rinj të jenë vetëm, sheh se si të qeshurit e tyre ngrihet lart duke shprehur mashtrimin e asaj të gjorës e cila ka ngelur viktimë e tyre, apo të asaj e cila ka rënë në rrjetin e premtimit të rrejshëm dhe bisedave të ëmbla. Ah, sikur motrat e mia të ndershme të kishin arritur të kuptojnë ndonjë gjë nga gjuha e cila mbush ndejat dhe bisedat e tyre. Ah, sikur të dinin që çdo gjë të venin në vendin e vet. Të tejkalonin gjuhën e cila di që gjërat siç janë tradhëtia, mashtrimi dhe gjërat e fëlliqura të emërojnë me emra të dashurisë, me emra që manifestojnë marrëdhëniet emocionale, dashurinë e pastër etj.
Pasha All-llahun, ata nuk janë më të sinqertë se Muhammedi [sal-lall-llahu alejhi ue sel-lem], ai na flet mbi hapat e djallit dhe tregon metodat e tij.

Transmeton Ebu Hurejre [radijall-llahu anhu] se i Dërguari [sal-lall-llahu alejhi ue selem] ka thënë: ”Birit të Ademit i është caktuar sasia e tij e zinasë, e ai patjetër ta arrijë atë. Zinaja e syve është shikimi, zinaja e veshëve është dëgjimi, zinaja e gjuhës është të folurit, zinaja e dorës është shtrirja e saj (për zina), ndërsa zinaja e këmbës është të ecurit (hapi). Me të vërtetë zemra lakmon dhe do, ndërsa atë e tregon apo përgënjeshtron organi.”   Transmetojnë Buhariu (6234) dhe Muslimi (2657).
Më thuaj, të lutem, sa shikime të ndaluara e mëkatare i këmbejnë të rinjtë e të rejat mes vete? Sa fjalë dashurie dhe sa ndjenja dashurie këmbejnë mes vete? Po sa herë ata ndodhen vetëm?